Agjencia Kombëtare e Rinisë organizoi webinarin e dytë në kuadër të projektit EmpowHER, me temë “Histori frymëzuese të grave sipërmarrëse”, i mbajtur nga Dr. Saniela Xhaferi dhe i realizuar me mbështetjen e programit Erasmus+.
Rreth 75 pjesëmarrës iu bashkuan këtij sesioni online, ku patën mundësi të njihen me histori reale suksesi në sipërmarrje dhe të përfitojnë njohuri praktike mbi sfidat dhe mundësitë që ofron bota e biznesit për gratë dhe vajzat e reja.
Gjatë webinarit u trajtuan tema që lidhen me:
-
historitë frymëzuese të grave në sipërmarrje;
-
fuqizimin e grave në lidership dhe biznes;
-
ndarjen e përvojave praktike dhe mësimeve nga terreni;
-
inkurajimin e të rinjve për të nisur ose zhvilluar një biznes;
-
krijimin e një hapësire motivimi dhe rrjetëzimi mes pjesëmarrësve.
Projekti EmpowHER synon të promovojë dialogun ndërkulturor mes vajzave të reja nga zonat rurale evropiane dhe vendet e Rajonit 1, duke mbështetur zhvillimin e aftësive digjitale të nevojshme për krijimin dhe menaxhimin e bizneseve të vogla online.
Ky projekt financohet nga Bashkimi Evropian. Pikëpamjet dhe opinionet e shprehura janë vetëm të autorit(ëve) dhe nuk pasqyrojnë domosdoshmërisht ato të Bashkimit Evropian apo Agjencisë Ekzekutive Evropiane për Edukim dhe Kulturë (EACEA). As Bashkimi Evropian dhe as EACEA nuk mbajnë përgjegjësi për to.
Shqip 
English (UK)