Në shkollën “Havzi Nela”, Ministri i Shtetit për Rininë dhe Fëmijet Znj. Bora Muzhaqi së bashku me Drejtorin e Agjencise Kombëtare e Rinisë Z. Geron Ibrahimi me nxënësit diskutuan rreth stereotipeve dhe keqkuptimeve për sa i përket trafikimit njerëzor, duke i inkurajuar ata për të menduar kritikisht. Bashkë me Ambasadorin Britanik Z. Abbott folën dhe për mundësinë e projekteve konkrete që i shërbejnë të rinjve.
Gjatë vizitës në Qendrën YES, ata së bashku me Këshillin Vendor Rinor dhe institucionet lokale, ndanë perspektiva mbi angazhimin në komunitet dhe emigracionin. Një super lajm për të rinjtë e 8 bashkive të qarqeve Kukës, Dibër dhe Shkodër është firmosja e marrëveshjes me AKR, ku të rinjtë do të përftojnë trajnime mbi aftësi të lidershipit, shkrim projektesh dhe shkëmbime rinore brenda dhe jashtë vendit.
Dita u mbyll me një ceremoni nënshkrimi ku u formalizuan angazhimet e tyre mbi zhvillimin dhe fuqizimin e të rinjve, duke përgatitur brezin e ardhshëm të liderëve.
Shqip 
English (UK)