Së bashku me Kryetarin e Bashkisë Librazhd, z. Mariglen Disha, po punojmë me entuziazëm për të sjellë në jetë një nga atraksionet më të veçanta për zonën – një park aventurash në Fushë-Studën.
Ky investim i rëndësishëm synon të promovojë aktivitetet rinore në natyrë, duke nxitur një mënyrë jetese aktive dhe të lidhur ngushtë me ambientin natyror.
Bashkia e Librazhdit është një ndër gjashtë bashkitë fituese të thirrjes së katërt për infrastrukturë rinore, e financuar nga Ministria e Shtetit për Rininë dhe Fëmijët dhe Agjencia Kombëtare e Rinisë.
Ky projekt pritet të ketë një ndikim të drejtpërdrejtë te rreth 1000 të rinj e të reja të zonës, duke krijuar mundësi të reja për argëtim dhe zhvillim personal.
Shqip 
English (UK)