Mbi 30 vende europiane, qindra ide dhe një vizion i përbashkët për fuqizimin e të rinjve, për herë të parë, Shqipëria mirëpret Konferencën e Kartës Rinore Europiane!
Ky është një moment i rëndësishëm për të rinjtë shqiptarë dhe një dëshmi e rolit gjithnjë e më aktiv të Shqipërisë në promovimin e politikave dhe iniciativave që fuqizojnë rininë.
Për miliona të rinj në mbarë Europën, Karta Rinore Europiane është një urë që i lidh me mundësi të reja, eksperienca ndërkombëtare dhe përfitime konkrete në jetën e përditshme. Ajo mbështet pjesëmarrjen aktive të të rinjve dhe nxit zhvillimin e tyre përmes një game të gjerë shërbimesh dhe mundësish, duke ofruar:
• Zbritje në udhëtime, transport dhe akomodim në Shqipëri dhe Europë
• Akses në aktivitete kulturore, kinema, teatro, muze dhe koncerte
• Mundësi në trajnime, edukim joformal dhe zhvillim aftësish
• Përfitime në aktivitete sportive dhe rekreative
• Lidhje me një rrjet europian me miliona të rinj dhe mijëra partnerë
• Mundësi për shkëmbime rinore dhe eksperienca ndërkombëtare
Si partner kyç i kësaj konference, Agjencia Kombëtare e Rinisë, së bashku me Ministrinë e Turizmit, Kulturës dhe Sportit, mbetet e angazhuar për të afruar të rinjtë shqiptarë me mundësitë europiane, duke mbështetur iniciativa që promovojnë akses të barabartë, zhvillim, mobilitet dhe pjesëmarrje aktive në shoqëri.
E ardhmja ndërtohet nga të rinjtë që guxojnë të ëndërrojnë, të mësojnë dhe të lidhen me botën. Mirë se vini në Shqipëri dhe mirë se vini në një tjetër hap drejt fuqizimit të rinisë europiane!
Shqip 
English (UK)