Agjencia Kombëtare e Rinisë pati kënaqësinë të mirëpresë në Shqipëri misionin SOCIEUX+, një instrument për bashkëpunim teknik ndërmjet institucioneve publike dhe partnerëve socialë, i krijuar dhe bashkëfinancuar nga Bashkimi Evropian, i cili mbështet forcimin e kapaciteteve institucionale dhe zhvillimin e politikave rinore në përputhje me standardet evropiane.
Si pjesë e këtij misioni, AKR mirëpriti ekspertët evropianë:
Z. Roman Banari
Z. Thomas Hainlen
Znj. Clara Linde
Përmes takimeve, konsultimeve, shkëmbimeve “peer-to-peer” dhe diskutimeve strategjike me aktorë kombëtarë dhe ndërkombëtarë, misioni u fokusua në forcimin e kapaciteteve të AKR-së për kërkim, monitorim dhe hartim politikash të bazuara në të dhëna në fushën e punësimit të të rinjve, me fokus të veçantë në punësimin e vajzave të reja dhe qasjet me ndjeshmëri gjinore.
Misioni kontribuoi gjithashtu në zhvillimin e mjeteve praktike analitike, kornizave të monitorimit dhe vlerësimit, instrumenteve të orientuara drejt politikave dhe metodologjive me ndjeshmëri gjinore, të cilat do të mbështesin Agjencinë Kombëtare të Rinisë në përmirësimin e analizës së të dhënave, të të nxënit institucional dhe të proceseve të vendimmarrjes në përputhje me standardet e BE-së dhe strategjitë kombëtare.
Ky bashkëpunim përfaqëson një hap të rëndësishëm drejt fuqizimit të të rinjve, forcimit të politikave rinore të bazuara në të dhëna dhe rritjes së institucioneve që punojnë për ta.
Nisma zbatohet nga një partneritet i përbërë nga: Expertise France, France Travail, Shërbimi Federal Publik i Belgjikës për Sigurime Shoqërore përmes Bashkëpunimit Ndërkombëtar Belg për Mbrojtjen Sociale, Agjencia Belge për Zhvillim, dheFondacioni për Ndërkombëtarizimin e Administratave Publike e Spanjës.
English (UK) 
Shqip