I Riu i Muajit Gusht 2024
Darya Daineka
Darya Daineka është 23 vjeçarja nga Bjellorusia e cila ka vendosur të jetojë në Shqipëri dhe të japë kontributin e saj duke promovuar vendin tonë përmes pasionit të fotografisë dhe postimeve në rrjetet sociale.
E mahnitur nga bukuria natyrore, kultura dhe mikpritja shqiptare, por gjithashtu edhe fakti që ka gjetur dashurinë e saj këtu, e bindën Daryan që të zgjidhte Shqipërinë për të jetuar.
Darya flet shumë mirë shqip dhe ka një platformë ku jep kurse online në gjuhën ruse, angleze dhe shqipe.
Moto: “Unë zgjedh gjithmonë të bëj gjëra që më bëjnë të lumtur. Ashtu sikurse lumturohem kur shoh njerëz të emocionuar që vijnë në Shqipëri pasi shohin postimet e mia!”
Edmirjano Preçi
Edmirjano Preçi, një zhvillues softwaresh me diplomë Master i Shkencave në Teknologji Informacioni nga Universiteti i Tiranës, po revolucionarizon mënyrën e përjetimit të plazhit në Shqipëri.
Së bashku me një ekip profesionistësh, ai ka krijuar aplikacionin Suneasy, i cili lejon përdoruesit të rezervojnë online çadrën e tyre, duke shmangur stresin dhe pakënaqësitë që lidhen me këtë proces.
Ky aplikacion jo vetëm që ndihmon bizneset të menaxhojnë më mirë burimet e tyre, por gjithashtu synon të formalizojë sektorin turistik.
Moto: “E nesërmja i përket atyre që po e ndërtojnë sot.”
Alis Kallaçi
Alis Kallaçi nga Shkodra vazhdon studimet për Pedagogji Mësimore. Ai rrëmbeu zemrat e publikut javë pas jave me zërin e tij brilant.
21 vjeçari është padyshim një nga talentet më të spikatur në” X Factor Albania 5”, ku dhe rrëmbeu çmimin e parë.
Alis është në pritje të këngës së tij të parë dhe po përgatitet të shkëlqejë edhe më shumë në skenën muzikore shqiptare.
Moto: “Mos u tremb nga sfidat, por përballo rrezikun me guxim dhe zgjuarsi për të arritur suksesin.”
Iris Sula
Iris Sula studion për flaut në shkollën Artistike “Onufri” në qytetin e Elbasanit, por suksesin më të madh e ka si këngëtare ku dallohet për vokalin e saj brilant.
Irisi është vlerësuar me dhjetra çmime të para kur ishte vetëm 12 vjeç, ku ndër to mund të përmendim: “E Ardhmja e Qytetit”dhe “Përfaqësuese e Muzikës”, kur Tirana ishte Kryeqyteti i Rinisë.
Së fundmi ajo ka rrëmbyer çmimin e parë si fituese e konkursit televiziv “Mam po ti? 2”
Moto: “Talenti përkthehet në sukses vetëm me shumë punë, përkushtim, pasion dhe ambicie!”
Lorela Sinani
Lorela Sinani është aktiviste e qytetit të Shkodrës dhe gjimnaziste ekselente me një pasion të madh në letërsi.
Ajo është një interpretuese dhe një shkrimtare e re që premton për brezat e rinj dhe është fituese e çmimit të parë për “Nxitjen e talenteve të reja në letërsi” për vitin 2022.
Gjithashtu një talent tjetër i saj është dhe piktura dhe prej 8 vitesh pikturon profesionalisht.
Moto: “Puno fort në heshtje, lëre suksesin të bejë zhurmë.”
Edmirjano Preçi
Elia Lika është nxënëse e shkëlqyer e gjimnazit “28 Nëntori” në Shkodër. Ajo është modeli i një vajze të angazhuar në sport, aktivitete e programe sociale që dëshmon se me pasion mund të arrish të jesh i suksesshëm.
Si notare e ekipit të Vllaznisë dhe pjesë e Kombëtares së Notit ajo është fituese e shumë medaljeve në Kampionatet Kombëtare dhe përfaqësuese e Shqipërisë në Kampionatin Evropian të Notit për të rinj.
Gjithashtu është fituese e shumë kompeticioneve si: fushata kundër kancerit të gjirit “Fjongo Rozë më kujton” dhe “Kampit të Financës”. Është finaliste e programit të Exchange “Yes” nga American Councils for International Education, si dhe pjesë e grupit “Çatibërësit” në Upshift 4 me projektin “Çatitë e gjelbra”.
Moto: “Nëse e ëndërron, mund të arrish!”
English (UK) 
Shqip